×

Warning

JUser: :_load: Unable to load user with ID: 82

Kua keukeu, kua maeva a Araura

Wednesday August 07, 2013 Written by Published in Culture
Arenikau warriors take to the stage for their village ura pau.  13080725 Arenikau warriors take to the stage for their village ura pau. 13080725 PHOTO MICHAEL HENRY

Aitutaki correspondent Teva Simiona shares the joy and atmosphere of the Aitutaki constitution celebration which started on the island on Sunday evening with the traditional hymn (imene tuki) and choir.

Today he reports on the outstanding pe’e and stunning kapa rima performances by the teams that took part.

I te po Monire, kua akamata atu te pe’e e te kapa rima.

Aue te akaieie tikai te au pupu tei rave maroiroi i te akateateamamao anga i te au rakei.

Kua kitea katoaia te taokotai i roto i te pae o te akatutu, e te pae o te akamanea o te aronga koni.

Kua tano rai te reo o Araura Enua, “Noku ei toku purotu, no roto i te kutikuti o te rangi e.

Ae tano meitaki.” Iooookoko!

Kua riro teia akaieie e te mataora i roto i teia utianga reva (Constitution Celebration) ei uriuri manako no te iti tangata, i te mea oki e kua akamata akaouia teia tamataora anga i roto i teia mataiti 2013, no te akamaaraanga i te ra o te Kavamani.

Kua keukeu i reira a Araura Enua, e ngari ake ratou i te noo ua ki runga nei i te enua tamataora ei i tona iti tangata tikai, e pera te au turoto, i roto i teia tuatau utianga reva.

Aue!! Kua ara te tini i runga nei ia Araura Enua. Kua keukeu kua maeva ua to te enua katoatoa i te rave pakau a te au pupu koni. Kua teitei rava te turanga ki runga, i teia po Porua.

Kua akamata te po na roto i te au ute tukeke te atuia anga, e te au korero atu imene, maruarua e te akaieie tikai.

Kapiti katoa ia ma te au mea natura o te enua nei, mei te kiokio, te pao’a, te onu e te au rakei akamanea.

Kare oki te atuanga imene i rava ua, maira ra kua akaari ia mai te au manga, te ki o te moana, e te enua ki roto i te atuanga ute.

Kua rere ua te rekareka e te mataora I roto I te pae o te koni pau (drum dance). Kua aite ia kite raparapa anga uira, te turanga o te koni, e te turanga o te au rakei akamanea.

Aue! Te akaieie tikai, kua viravira to rave pakau e Araura Enua. Kua tano rai te autara e, “kare koe e rauka noatu e koai, noou rai toou purotu’

Eaa ia pakau te navenave.

Kua akapapu te Minita Teina Bishop e ka rave rai a Araura Enua ki tona enua i tana utianga reva, i te au mataiti ravarai. Rekareka ake nei taku pokai taringa i te akarongo anga i to reo e te Minita wooosh eaa rai.

Aere mai ia ana.

Leave a comment